Bakı Ağır Cinayətlər Məhkəməsində qeydiyyatsız fəaliyyət göstərən Vahid Kommunist Partiyasının sədri Musa Tukanovun məhkəməsi başlayıb.
"Ucnoqta.az" “Qafqazinfo”ya istinadən bildirir ki, hakim Samir Əliyevin icraatında olan prosesdə hazırlıq iclası keçirilib.
Təqsirləndirilən şəxsin anket məlumatları dəqiqləşdirilib. Onun vəkili vəsatət verərək bildirib ki, Qarabağ müharibəsi veteranı olan Tukanov şəkər xəstəsidir, oğlu əlildir və səbəbdən ev dustaqlığına buraxılmasını istəyib. Məhkəmə vəsatəti təmin etməyib.
Cinayət işi məhkəmə baxışına qəbul edilib. Proses yanvarın 17-də davam etdiriləcək.
M.Tukanov rüşvət almaq və vəzifə səlahiyyətlərini aşmaqda ittiham edilir. O, həm də "Azərbaycan Karlar Cəmiyyəti"nin sədr müavini olub. Hazırda həbsdədir.