Fatih Terim istefa verib

Türkiyənin futbol millisində şok ayrılıq baş verib. Apasport.az saytının məlumatına görə, Fatih Terim Tükiyə yığmasının baş məşqçisi və Futbol Direktoru vəzifəsindən ayrılıb. Belə ki, son günlər adı “Qalatasaray”la hallanan 64 yaşlı mütəxəssis bu gün Türkiyə Futbol Federasiyasının (TFF) rəsmiləri ilə bir araya gəlib. Federasiyanın Leventdəki bazasında baş tutan görüşün ardından təcrübəli çalışdırıcı vəzifəsindən istefa verib.
Məlumatı TFF prezidenti Yıldırım Dəmirörən də təsdiqləyib. O, qısaca olaraq, ayrılığın baş tutduğunu açıqlayıb: “Terim yığmanın baş məşqçisi vəzifəsindən getdi. Onunla qarşılıqlı razılıqla sağollaşdıq”.
Qeyd edək ki, Fatih Terim bundan əvvəl 1993-1996 və 2005-2009-cu illərdə də Türkiyə yığmasını çalışdırıb. O, 2013-cü ildən bəri “ay-ulduzlular”ın “sükanı arxası”nda olub.