Müsavat qərargahının qarşısında etiraz aksiyası keçirilib

Müsavat Partiyası qərargahının qarşısında bir qrup gənc etiraz aksiyası keçirib. APA-nın məlumatına görə, onlar  Milli Düşüncə Mərkəzinin rəhbəri İsa Qəmbərin iki gün əvvəl Novxanıda keçirilən tədbirdəki çıxışına etirazlarını bildiriblər. Aksiyada “İsa Qəmbər şərəfsizlik simvoludur”, “İsa Qəmbər uğursuzluq simvoludur!” “İdarəçiliyini gördük, daha hər-mərclik istəmirik”, “Sən artıq tarixin zibilliyinə atılan siyasi meyitsən!”, “Ar olsun!” şüarları səsləndirilib. Polis aksiyaçıları Müsavat qərargahı yaxınlığından uzaqlaşdırıb.