Argentinanın kapitanı və hücumçusu Lionel Messi İspaniyaya qarşı keçiriləcək Dünya Kuboku finalının xüsusi və çox bərabər olacağına inanır.
Ucnoqta.az xəbər verir ki, oyunçunun fikirləri İtaliyanın La Repubblica qəzetində dərc edilib.
“Bu, görkəmli oyunçuları və aydın şəkildə müəyyən edilmiş oyun tərzi olan möhtəşəm bir komandadır. Oyunçuları tanıyıram, onların çoxuna qarşı oynamışam və onları izləməyə davam edirəm. Bu, xüsusi, çox bərabər bir matç olacaq” – Messi qeyd edib.
Argentina komandasının finala gedən yolunu qiymətləndirən Messi etiraf edib ki, ABŞ-dakı turnir onlar üçün çoxlu şübhə və tənqid arasında” başlayıb, lakin özü də əvvəldən layiqli nəticə əldə edəcəklərinə şübhə etmirdi.
“Əmin idim ki, ən azı ilk dördlükdə yer alacağıq. Biz bura dünya çempionu kimi gəlmişik, son dörd ildə dünyanın ən yaxşı komandası olmuşuq və bunu meydanda bir daha sübut etdik: heç kim bizə heç nə vermir və biz yenidən finaldayıq” – ulduz futbolçu əlavə edib.