4
Hörmüz boğazında İranı blokadaya almaq üçün 15-dən çox ABŞ hərbi gəmisi yerləşdirilib.
Ucnoqta.az xəbər verir ki, bu barədə The Wall Street Journal (WSJ) ABŞ-ın yüksək vəzifəli rəsmisinə istinadən məlumat yayıb.
Onun sözlərinə görə, Yaxın Şərqə təyyarədaşıyan gəmi, bir neçə idarə olunan raket esminesi, amfibiya hücum gəmisi və bir neçə digər döyüş bölməsi yerləşdirilib. Nəşr qeyd edir ki, bu gəmilər göyərtədəki əməliyyatları dəstəkləmək üçün istifadə edilə bilən helikopterlər daşıya bilir.
ABŞ Mərkəzi Komandanlığı əvvəllər 13 apreldə İrana qarşı dəniz blokadasına başlayacağını açıqlamışdı.
ABŞ ordusu İslam Respublikasındakı limanlara gedən bütün gəmilərin, eləcə də sahillərindən çıxmağa çalışanların hərəkətini bloklamaq niyyətindədir.