SEPAH Hörmüz boğazında iki tankeri atəşə tutdu

İranın İslam İnqilabı Keşikçiləri Korpusu (SEPAH) Hörmüz boğazından İran tərəfinin razılığı olmadan keçməyə cəhd göstərən iki tankeri atəşə tutduğunu açıqlayıb.

Ucnoqta.az xəbər verir ki, bu barədə SEPAH-ın mətbuat xidməti məlumat yayıb.

Bəyanatda bildirilir ki, tankerlər razılaşdırılmamış marşrutla ABŞ ordusunun hava dəstəyi altında boğazdan keçməyə cəhd edib və İranın xəbərdarlıqlarına məhəl qoymayıb.

SEPAH-ın məlumatına görə, nəticədə hər iki tanker dayandırılıb, daha dörd tanker isə marşrutunu dəyişərək geri çəkilib.

Hadisə ilə bağlı digər tərəflərin mövqeyi hələ açıqlanmayıb.