Onlar Hörmüz boğazı ilə bağlı danışıqlar üçün yalvarırlar –

İranın düşmənləri Hörmüz boğazının açılması üçün danışıqlara girməsini yalvarırlar.

Ucnoqta.az xəbər verir ki, bunu İranın birinci vitse-prezidenti Məhəmməd Rza Arif bildirib.

"Silahlı qüvvələrimiz dünyanın ən güclü qüvvələri arasındadır. Biz təcavüzkarları məğlub etdik, indi isə onlar Hörmüz boğazı ilə bağlı danışıqlar üçün yalvarırlar. Amma onların güzəştə getməyə nə qədər hazır olduqlarını görməliyik. Onlar qızıl ifadəni deməlidirlər: "Biz artıq İrana hücum etməyəcəyik və İranın bütün beynəlxalq hüquqlarını tanıyacağıq". Görəcəyik bundan sonra nə olacaq", – Arif qeyd edib.

Qeyd edək ki, daha əvvəl ABŞ prezidenti Donald Tramp İran rəhbərliyinin ABŞ-ın əksər tələblərini yerinə yetirməyə hazır olduğunu bildirib.