ABŞ Hərbi Dəniz Qüvvələrinin ən qədim təyyarədaşıyan gəmisi olan "Nimitz" gözləniləndən 10 ay daha uzun müddət xidmətdə qalacaq və yeni istismardan çıxarılma tarixi 2027-ci ilin mart ayına təyin edilib.
Ucnoqta.az bildirir ki, ABŞ Hərbi Dəniz Qüvvələri bu barədə 14 martda ABŞ Hərbi Dəniz İnstitutunun (USNI) xəbər xidmətinə məlumat verib.
Məlumata görə, bu, hazırda gələn ilin mart ayına qədər tamamlanması planlaşdırılan "John F. Kennedy" təyyarədaşıyan gəmisinin istismara verilməsindəki gecikmələrlə əlaqədardır.
USNI qeyd edib ki, "Nimitz" son tam yerləşdirməsini 2025-ci ilin dekabr ayında başa çatdırıb. Gəminin xidmət müddəti uzadıldıqdan sonra yeni əməliyyatlar üçün istifadə edilib-edilməyəcəyi məlum deyil.
Qeyd olunur ki, 14 martda Nimitz ABŞ Hərbi Dəniz Bazasını (Şimal Adasını) tərk edib. Onun Cənubi Amerikanın cənub ucuna çıxması, ABŞ Cənub Komandanlığının bir sıra təlimlərində iştirak etməsi və daha sonra yeni əsas limanına – Norfolkdakı (Virciniya) dəniz bazasına çatması planlaşdırılır.