Danimarka Ukraynaya əlavə 600 milyon dollar hərbi yardım ayıracaq

Danimarka hökuməti bu il Kiyevə hərbi yardım üçün Danimarka Ukrayna Fonduna əlavə 3,8 milyard kron (600 milyon dollar) ayırmaq qərarına gəlib.

Unoqta.az xəbər verir ki, Danimarka Müdafiə Nazirliyinin məlumatına görə, nəticədə Krallığın müdafiə xərcləri bu il ÜDM-in 3,5%-ni təşkil edəcək və NATO üzv dövlətləri üçün müəyyən edilmiş hədəf səviyyəsinə çatacaq.

Bu günə qədər Danimarka 2026-cı ildə Ukraynaya 9,6 milyard kron (1,5 milyard dollar) yardım ayırıb.

Bundan əlavə, F-16 qırıcı təyyarələrinin satışından əlavə 600 milyon kron (94,5 milyon dollar) gözlənilir. Danimarkanın 2026-cı ildə Ukraynaya ümumi yardımı 14 milyard kron (2,2 milyard dollar) təşkil edəcək.