Misli Premyer Liqasında bu gün XX tura start veriləcək.
Ucnoqta.az xəbər verir ki, turun ilk oyun günündə iki görüş baş tutacaq.
"İmişli" Quba Olimpiya İdman Kompleksinin stadionunda "Qarabağ"la üz-üzə gələcək. İmişli təmsilçisi hazırda 19 xalla 9-cu pillədə qərarlaşıb. 42 xala malik "Qarabağ" isə ikincidir.
Günün son görüşü Zirə İdman Kompleksinin stadionunda keçiriləcək. "Zirə" "Karvan-Yevlax"ı qəbul edəcək. Bakı klubu 32 xalla 4-cü yerdədir. 6 xala malik Yevlax təmsilçisi isə sonuncu – 12-ci pillədədir.
Misli Premyer Liqası
II dövrə, XX tur
14 fevral
14:30. "İmişli" – "Qarabağ"
Hakimlər: Cavid Cəlilov, Kamran Bayramov, Müslüm Əliyev, Alik Yunusov
VAR: Əliyar Ağayev
Quba Olimpiya İdman Kompleksinin stadionu
17:00. "Zirə" – "Karvan-Yevlax"
Hakimlər: Kamranbəy Rəhimov, Akif Əmirəli, Mirnihat Seyidov, Əkbər Əhmədov
Zirə İdman Kompleksinin stadionu