4
Ölkənin AB və NATO-ya daxil olmasına qarşı çıxan Birləşmiş Neytral Gürcüstan partiyası təsis yığıncağını keçirib.
Ucnoqta.az bildirir ki, bu barədə Rustavi 2 televiziya kanalı məlumat verib.
"Avro-illüziyalar üzərində dayanmağa davam etsək, gec-tez Vaşinqton və Brüsselin yenidən öz agentlərini hakimiyyətə gətirə biləcəyi ilə barışmalıyıq.
Neytral Gürcüstan partiyası bu avro-illüziyaya son qoymaq üçün hər şeyi edəcək ki, ölkənin xilası və inkişafı üçün nəyin zəruri və faydalı olduğunu real şəkildə nəzərdən keçirə bilək", – partiyanın icraçı katibi seçilən partiya lideri Vato Şakarişvili bildirib.
Onun sözlərinə görə, neytrallıq ölkənin ərazi bütövlüyünün, eləcə də tranzit rolunun bərpasına kömək edəcək.