Quş qripi virusu mutasiyaya uğrayaraq insandan insana keçərsə, COVID-19-dan daha ağır bir pandemiyaya səbəb ola bilər.
Ucnoqta.az bildirir ki, bu barədə Reuters məlumat verib. Fransadakı Pasteur İnstitutunun Tənəffüs Yoluxucu Xəstəliklərinin Tədqiqi Mərkəzinin direktoru Mari-Ann Rameeyks Vallti Reuters agentliyinə bildirib ki, virusun məməlilərə, xüsusən də insanlara uyğunlaşacağından və insandan insana keçəcəyindən və bu virusun pandemiyaya çevriləcəyindən qorxuruq.
Onun sözlərinə görə, insanlarda mövsümi H1 və H3 qripinə qarşı antikorlar var, lakin H5 quş qripinə qarşı antikorlar yoxdur. COVID-19 ilə də oxşar vəziyyət müşahidə olunub. Lakin, əsasən həssas qruplara təsir edən koronavirusdan fərqli olaraq, qrip virusları uşaqlar da daxil olmaqla sağlam insanları da öldürə bilər.
Ekspert qeyd edib ki, dünya bu təhlükəyə COVID-19-dan daha yaxşı hazırlaşıb.