Estoniyanın Baş naziri Kristen Mixal ölkəsinin "könüllülər koalisiyası"nın bir hissəsi olaraq sülh müqaviləsi əldə edildikdən sonra Ukraynaya qoşun göndərməyə hazır olduğunu təsdiqləyib.
Ucnoqta.az xəbər verir ki, Almaniya kansleri Fridrix Merts ilə Berlində keçirilən birgə mətbuat konfransında o, Estoniya hakimiyyətinin sülh müqaviləsi əldə ediləcəyi təqdirdə Ukraynaya bir bölük qoşun göndərməyə hazır olduqlarını bildirdiyini xatırladıb.
"Lakin bunun konkret olaraq necə işləyəcəyini – dənizdə, quruda necə işləyəcəyini düşünməliyik", – deyə o əlavə edib.
"Bir daha vurğulayıram: əsgərlərimizin iştirak etməsi üçün konkret sülh müqaviləsi lazımdır", – deyə eston siyasətçisi vurğuladı.
Rusiya xarici işlər naziri Sergey Lavrov əvvəllər Ukraynanın təhlükəsizliyinin "Ukrayna ərazisinin bir hissəsinə xarici hərbi müdaxilə" yolu ilə təmin edilməsinin Rusiya üçün qəbuledilməz olacağını bildirmişdi.