İsrail və HƏMAS Qəzza razılaşmasına riayət edirlər

İsrail və Fələstin HƏMAS hərəkatı Qəzza zolağında atəşkəs razılaşmasına riayət etməyə sadiqdirlər.

Ucnoqta.az xəbər verir ki, bu barədə Misirin Əl-Qahirə Əl-İxbariyyə televiziya kanalı məlumat verib.

Yüksək vəzifəli mənbənin məlumatına görə, vasitəçilər hazırda ABŞ prezidenti Donald Tramp tərəfindən hazırlanmış sülh planının həyata keçirilməsinə mane olan hər hansı bir maneəni aradan qaldırmaq üçün çalışırlar.

Çərşənbə günü Qətərin Baş naziri və xarici işlər naziri Şeyx Məhəmməd bin Əbdülrəhman Əl-Tani HƏMAS və İsrailin Qəzza zolağında atəşkəsə riayət etmək istəklərini bildirdiklərini təsdiqləyib və atəşkəsin son pozulmasını "gözlənilən" hesab etdiyini bildirib.