İsrail Müdafiə Qüvvələrinin Qəzza zolağının cənubundakı Xan Yunisdəki Nasir xəstəxanasına endirdiyi zərbələr nəticəsində 4 media işçisi həlak olub.
Ucnoqta.az xəbər verir ki, bu barədə anklavın mətbuat xidmətinin Telegram-kanalında dərc olunmuş mesajda bildirilir.
Ölənlər arasında "Reuters"də işləyən Hussam əl-Masri, NBC-də işləyən Muaz Abu Taha və Al Jazeera foto operatoru Mohammed Salama da var.
Digər qurban isə Amerika Associated Press də daxil olmaqla bir sıra media orqanlarında çalışan jurnalist Məryəm Əbu Dakka olub.
Avqustun 25-də Qəzza Səhiyyə Nazirliyi İsrail əsgərlərinin Nasir xəstəxanasına iki dəfə zərbə endiriblər. İlk mərminin binanın dördüncü mərtəbəsinə düşdüyü deyilir.
İkinci zərbə xilasedicilərin dağıntıları təmizləmək, qurbanları və yaralıları axtarmaq üçün hadisə yerinə gəldikdən sonra baş verib. Nazirlik ümumilikdə 8 nəfərin öldüyünü bildirib.