Son illərdə Asiya mənşəli içki növü olan Bubble Tea gənclər arasında getdikcə populyarlaşan bir tendensiyaya çevrilib. Bununla belə, şəkəri yüksək olan içkilər qan şəkərində ani dalğalanmalara səbəb ola bilər ki, bu da aşağı enerji, yorğunluq və əhval dəyişikliyinə səbəb olur.
Ucnoqta.az Türkiyə mətbuatına istinadən xəbər verir ki, Çinin Tsinghua Universiteti və Mərkəzi Maliyyə və İqtisadiyyat Universitetinin tədqiqatçıları paytaxt Pekində yaşayan 5281 universitet tələbəsi üzərində hərtərəfli araşdırma aparıblar. İştirakçılara həftəlik Bubble Tea istehlakı və psixi vəziyyətləri ilə bağlı suallar verilib. Anketlərdə depressiya və narahatlıq əlamətləri qiymətləndirilmişdir.
Journal of Affective Disordes jurnalında dərc edilən araşdırma nəticələrinə görə, Bubble Tea tez-tez istehlak edənlərdə depressiya əlamətlərinin daha çox olduğu müşahidə edilmişdir.
Bu içkilər çox vaxt yüksək miqdarda şəkər, kofein və süni tatlar ehtiva edir. Orta hesabla bir stəkan Bubble Tea 300 ilə 500 kalori arasında dəyişə bilər ki, bu da fast food məhsulları ilə müqayisədə olduqca yüksəkdir.
Yüksək şəkər səviyyələri qan şəkərində ani dalğalanmalara səbəb ola bilər ki, bu da aşağı enerji, yorğunluq və əhval dəyişikliyinə səbəb olur.
Bundan əlavə, yüksək miqdarda kofein yuxusuzluq və narahatlıq əlamətlərinin artmasına səbəb ola bilər. Xüsusilə yeniyetməlik dövründə çoxlu istehlak həm fiziki, həm də psixoloji sağlamlığa mənfi təsir göstərə bilər.
Araşdırma həmçinin ortaya çıxarıb ki, Bubble Tea istehlakının asılılıq kimi simptomları var və bəzi gənclər bu içkini içməyəndə özlərini məhrum hiss edirlər. Həftədə bir dəfə və ya daha çox Bubble Tea içən fərdlərdə sıx şirin istək və istehlakı azalda bilməmə kimi simptomların tez-tez müşahidə edildiyi də aşkar edilmişdir.
Bubble Tea, tez-tez istehlak edildikdə, sağlamlığa ciddi mənfi təsir göstərə bilər. Unudulmamalıdır ki, tərkibində yüksək şəkər və kofein olduğu üçün piylənmə, diabet, depressiya və narahatlıq kimi problemlərə yol aça bilər.