ABŞ Donald Trampın ikinci prezidentliyi dövründə İranın nüvə silahı əldə etməməsi üçün lazım olan hər şeyi edəcək.
Ucnoqta.az xəbər verir ki, bunu Vaşinqtonda Mühafizəkarların Siyasi Fəaliyyət Konfransında çıxışı zamanı ABŞ-ın milli təhlükəsizlik üzrə müşaviri Mayk Uolts deyib.
"İranın nüvə bombası varsa, onun rasional aktor olub-olmadığı sualı var. O, bizim müttəfiqimiz olan İsraili məhv edə bilər. Onlar bütün dünyaya hücum edə bilərlər – bütün bu hücumları və daha çoxunu həyata keçirmək üçün nüvə çətirinə sahib olacaqlar. Onların nüvə silahı ola bilməz. Və prezident Trampın rəhbərliyi altında bunun baş verməməsi üçün əlimizdən gələni edəcəyik”, – deyə o bildirib.
"Prezident bu yaxınlarda ayağını İran iqtisadiyyatının boynunda saxlamaq üçün maksimum təzyiqin bərpası haqqında sərəncam imzalayıb", – Uolts əlavə edib.