Vətəndaşlara qış aylarında soyuq havalara qarşı zəncəfil istehlak etmələri tövsiyə olunur. Mütəxəssislər zəncəfilin qrip, soyuqdəymə kimi bir çox xəstəliyə qarşı qoruyucu təsirə malik olduğunu bildirirlər.
Bəs zəncəfildən necə istifadə etməliyik? Zəncəfilin digər bilinməyən faydaları hansılardır? Təfərrüatlar…
Ucnoqta.az xəbər verir ki, soyuq havalarda istehlak edilməsi tövsiyə edilən zəncəfil ümumiyyətlə limon, zerdeçal, bal və darçın kimi maddələrlə qarışdırılır. Bundan əlavə qış çaylarında da üstünlük verilən zəncəfil müntəzəm istifadə edildikdə orqanizmin müqavimətini artırır. Xüsusilə səhər oyanmaqda çətinlik çəkənlər və gün ərzində çox soyuq olanlar üçün zəncəfildən istifadə etmək tövsiyə olunur.
Zəncəfil yuxarı tənəffüs yolu infeksiyalarında faydalıdır.
Dərman istifadə etmək istəməyənlər ürək bulanması, boğaz ağrısı kimi bir çox hallarda təsirli nəticə verdiyi üçün zəncəfil istehlak edirlər. Bundan əlavə, maddələr mübadiləsini sürətləndirdiyi üçün arıqlamaq və yağ yandırmaqda da təsirlidir. Zəncəfil tozu zerdeçal ilə qarışdırılıb bal, mixək və darçınla qəbul edildikdə öskürək, bronxit, təngnəfəslik, faringit və KOAH kimi xəstəliklərə də yaxşı gəlir. Ağız boşluğuna daxil olan mikrobları parçalayır.
Qrip və soyuqdəymənin qarşısını alır. Qışda bədən müqavimətini artırdığı üçün bədəni qızdırır.
Qışa keçid dövründə insanların sərt hava dəyişikliyindən təsirləndiyini qeyd edən bitki həkimləri vətəndaşların dərman preparatlarına marağının artdığını, alternativ təbabətin ön plana çıxdığını və vətəndaşların ümumiyyətlə cökə, qış çayı, darçın, zəncəfil kimi məhsullar aldığını bildiriblər.