1
Mozambikdə dekabrın 15-də ölkənin şimal və mərkəzi bölgələrini vuran "Şido" tropik qasırğasının təsirləri nəticəsində ölənlərin sayı 45-ə çatıb.
Ucnoqta.az-ın məlumatına görə, bu barədə Mozambik Klubu portalı Fəlakətlərin İdarə Edilməsi üzrə Milli İnstitutuna (NIDIS) istinadən xəbər verir.
Güclü külək və leysan nəticəsində yaranan daşqınlar 45 nəfərin ölümünə, 500-dən çox adamın isə müxtəlif dərəcəli xəsarət almasına səbəb olub.
Ümumilikdə 174 min Mozambik sakini qasırğadan zərər çəkib. 35 mindən çox bina dağıdılıb.
Bundan əvvəl 34 nəfərin öldüyü bildirilirdi.