Niderlandın Məlumatların Mühafizəsi İdarəsi müştəriləri düzgün məlumatlandırmadığına görə Netflix yayın xidmətini 4,75 milyon avro cərimələyib.
Ucnoqta.az xəbər verir ki, bu barədə təşkilatın press-relizində deyilir.
Tənzimləyicinin qeyd etdiyi kimi, "Netflix" müştərilərdən e-poçt ünvanları, telefon nömrələri və ödəniş təfərrüatlarından tutmuş müştərilərin platformada tam olaraq nə və nə vaxt baxdığına dair məlumatlara qədər müxtəlif növ şəxsi məlumatları toplayır.
Məlumatların Mühafizəsi Təşkilatı tərəfindən aparılan araşdırma, şirkətin 2018 və 2020-ci illər arasında məxfilik bəyanatı vasitəsilə müştərilərə bu məlumatlarla dəqiq nə etdiyini açıq şəkildə bildirmədiyini müəyyən edib.
Bundan əlavə, müştərilər Netflix-dən şirkətin onlar haqqında hansı məlumatları topladığını soruşduqda kifayət qədər məlumat verilməyib.
Bunu nəzərə alan tənzimləyici striminq xidmətinə qarşı 4,75 milyon avro cərimə tətbiq etmək qərarına gəlib.