Çin alimləri Weibo-da çinli gənclərin şikayətlərini araşdırıb və yuxu pozğunluğu ilə işıq çirklənməsi ilə bağlı şikayətlər arasında korrelyasiya tapıblar.
Ucnoqta.az xəbər verir ki, Cənub Elm və Texnologiya Universitetinin (SUSTech) çinli alimləri araşdırma apararaq belə nəticəyə gəliblər ki, Çinin kiçik və orta şəhərlərinin sakinləri yuxusuzluqdan meqapolislərdə yaşayan vətəndaşlara nisbətən daha çox şikayət edirlər.
Onların işi Weibo-da adi çinlilərdən gələn 1,1 milyon mesajın təhlilinə əsaslanır.
Alimlər hesab edirlər ki, problemin kökü həddindən artıq işıq çirklənməsidir ki, bu da sürətli urbanizasiya səbəbindən hələ də zəif tənzimlənir.
15-39 yaş qrupunda gecələr süni işıqlandırma ilə yuxunun pozulması arasında aydın əlaqə olub.
Bununla belə, tədqiqat evlərin və mənzillərin özlərində işıq və səs-küy səviyyəsinin keyfiyyətini nəzərə almayıb və buna görə də onun məlumatları hərtərəfli və yekun ola bilməz.