Dünya miqyasında aparıcı blokçeyn ekosistemi və ticarət həcmi baxımından dünyanın ən böyük kriptovalyuta birjası olan Binance və onun təhsil bölməsi Binance Akademiyası, Binance mobil tətbiqin və Binance Akademiyasının təhsil materiallarının tamamilə Azərbaycan dilinə lokalizasiya edildiyini elan edir.
Tətbiqin və informasiya resurslarının lokalizasiyasının əsas məqsədi, Azərbaycan dilində danışan istifadəçilər üçün dil maneələrini aradan qaldırmaqla istifadəçi təcrübəsini yaxşılaşdırmaqdır.
Bu hadisə münasibətilə Binance sosial şəbəkələrdə xüsusi bir kampaniya başlayır, belə ki, iştirakçılar 500 dollarlıq BNB mükafatı qazana bilər. Bunun üçün istifadəçilər bir neçə sadə addımı yerinə yetirməlidirlər: Binance tətbiqində dili Azərbaycan dilinə dəyişməli və təsdiq ekranı ilə skrinşot göndərməlidirlər. 10 qalib 2024-cü il 2 dekabr tarixində təsadüfi şəkildə seçiləcəkdir.
“Binance tətbiqinin və Binance Akademiyasının təhsil məqalələrinin Azərbaycan dilinə lokalizasiyası bizim missiyamızda kriptovalyutaları hər kəs üçün əlçatan etmək istiqamətində əhəmiyyətli bir addımdır. Azərbaycandakı istifadəçiləri dəstəkləməkdən məmnunuq, onlara ana dillərində rəqəmsal aktivlərlə işləmək və öyrənmək üçün rahat alətlər və imkanlar təqdim edirik. Bu addım, Binance biliklərinə və xidmətlərinə çıxışı asanlaşdırmaqla yanaşı, yerli kripto icmasının inkişafına və qlobal rəqəmsal iqtisadiyyətdə iştirakına dəstək olacaq,” – deyə Binance-in Mərkəzi və Şərqi Avropa, Mərkəzi Asiya və Afrika bölgələri üzrə rəhbəri Kirill Xomyakov qeyd edib.
Ƙampaniyanın formatı haqqında ətraflı məlumat üçün bu keçidi ziyarət edin https://www.binance.com/en/survey/dd0a8fa4ff98425ba7912931c2ce807
Binance Haqqında
“Binance, dünya miqyasında aparıcı kriptovalyuta infrastrukturu təminatçısıdır və ən böyük həcmli rəqəmsal aktivlərin ticarət birjası daxil olmaqla bir sıra maliyyə məhsulları təklif edir. Dünya miqyasında milyonlarla insanın etibar etdiyi Binance platforması, istifadəçilər üçün pul azadlığını artırmaq məqsədi ilə müqayisəolunmaz bir kriptovalyuta məhsulları və xidmətləri portfeli təklif edir ki, bu da ticarət və maliyyə, təhsil, məlumat və tədqiqatlar, xeyriyyəçilik, investisiya və inkubasiya, mərkəzsizləşdirmə və sair sahələri əhatə edir.”
Ətraflı məlumat üçün Binance veb-saytını ziyarət edin: https://www.binance.com
Binance Akademiyası Haqqında
Binance Akademiyası, 2018-ci ildən fəaliyyət göstərən, blokçeyn və kriptovalyutalar üzrə aparıcı təhsil platformasıdır. Dünya miqyasında 30-dan çox dildə milyonlarla iştirakçılara xidmət göstərən platforma, 1000-dən çox məqalə və lüğət, həmçinin blokçeyn, kriptovalyuta, Web3 və çoxsaylı digər mövzular üzrə kurslar təqdim edir. “Binance Akademiyasının təhsil təşəbbüsləri arasında ‘Öyrən və Qazan’ proqramı, universitetlərlə qarşılıqlı əməkdaşlıq proqramı, ‘Tələbə Səfiri’ proqramı, həmçinin aparıcı onlayn təhsil platformaları, peşəkar assosiasiyalar və sənaye alyansları ilə əməkdaşlıq daxildir.”