Mayın 16-da Niderland hakimiyyəti Rusiya Federasiyasından olan balıqçı gəmisini limana buraxmaqdan imtina edib.
Ucnoqta.az xəbər verir ki, bu barədə RBC Balıqçılıq Donanmasının Gəmi Sahibləri Assosiasiyasına (ASRF) istinadən yazıb. RBC assosiasiyası qeyd edib ki, Rusiya gəmisinin çağırışı "Eemshaven" limanı tərəfindən ləğv edilib. Söhbət Rusiyanın ən böyük balıqçılıq holdinqlərindən biri olan Norebo qrupuna daxil olan “Arctic Shipping” şirkətinə məxsus gəmidən gedir.
Aİ-nin tələblərinə uyğun olaraq əvvəlcədən göndərilən lazımi sənədlərin olmasına baxmayaraq, gəmidən imtina edilib.
ASRF həmçinin nəşrə bildirib ki, Rusiya təchizatçılarına “alternativ çatdırılma yollarından” istifadə etmək təklif olunub. Eyni zamanda, boşaltma yerini Niderlandın digər limanına – Velsenə və ya Almaniyadakı limanlara dəyişdirmək cəhdləri də alınmayıb.