Çexiya 2023-cü ildə 4 min ukraynalı əsgərə təlim keçib

Çexiya 2023-cü ildə 4 min ukraynalı hərbçi hazırlayıb və bu ölkəyə hərbi yardım göstərməkdə davam edir.

Ucnoqta.az xarici mətbuata istinadən xəbər verir ki, bu barədə Çexiya ordusunun baş komandanlığının Praqada keçirilən iclasında danışılıb.

Məlumata görə, Çexiya Silahlı Qüvvələrinin Baş Qərargah rəisi Karel Rzeçka görüş iştirakçılarının diqqətinə çatdırıb ki, Ukrayna Silahlı Qüvvələrinin əsgərlərinin çex təlimatçıları tərəfindən respublika ərazisində və Polşada təlimi keçirilib.

"Bir neçə gün əvvəl ordu ehtiyatlarından Ukraynaya daha bir hərbi yardım partiyası göndərilib", – o, bildirib.