NATO Şurasının Ukrayna iclası oktyabrın 4-də Brüsseldə keçiriləcək

Oktyabrın 4-də Şimali Atlantika Alyansının Brüsseldəki mənzil-qərargahında Ukrayna-NATO Şurasının iclası keçiriləcək.

Ucnoqta.az xəbər verir ki, bu barədə NATO-nun sözçüsü Dilan Uayt məlumat verib.

“NATO baş katibinin müavini Mirça Coana çərşənbə günü, oktyabrın 4-də NATO-nun mənzil-qərargahında Ukrayna-NATO Şurasının iclasında iştirak edəcəyi Ukrayna Baş nazirinin müavini Olqa Stefanişinanı qəbul edəcək”, – deyə o bildirib.

NATO-nun mətbuat xidməti görüşün başqa təfərrüatlarını açıqlamır.