Qazaxıstanın Qaraqanda vilayətindəki Sarı-Şaqan poliqonunda MDB dövlətlərinin birgə hava hücumundan müdafiə sisteminin təlimləri keçirilir.
Ucnoqta.az xəbər verir ki, bu barədə Respublika Müdafiə Nazirliyinin mətbuat xidmətindən məlumat verilib.
Qaraqanda vilayətində MDB-yə üzv dövlətlərin “Döyüş Birliyi – 2023” birgə hava hücumundan müdafiə sisteminin qüvvə və vasitələrinin canlı atəşlə birgə təlimləri keçirilir. Qazaxıstan qüvvələri və hava hücumundan müdafiə sistemləri ilə yanaşı, Silahlı Qüvvələrin hərbi kontingentləri də iştirak edir.
Təlimlərin aktiv mərhələsi sentyabrın 14-15-də baş tutacaq.
Təlimin aktiv mərhələsini Rusiya, Ermənistan, Qırğızıstan və Özbəkistanın müdafiə idarələrinin və hava hücumundan müdafiə qüvvələrinin nümayəndələri müşahidə edəcəklər.