0
Tovuzda baş verən yol-nəqliyyat hadisəsi zamanı ölən və xəsarət alan şəxslər hərbçi olublar.
Oxu.Az-ın məlumatına görə, hadisə yerində dünyasının dəyişən 1985-ci il təvəllüdlü Elçin Yaqubəliyev və xəsarət alan Vüsal Kərimov Strateji Obyektlərin Mühafizəsi Dövlət Agentliyinin əməkdaşlarıdırlar.
Baş çavuş Elçin Yaqubəliyev xidməti vəzifəsini yerinə yetirərkən onun idarə etdiyi avtomobillə “Mercedes-Benz” markalı avtomobil toqquşub.
Nəticədə E.Yaqubəliyev hadisə yerində ölüb, avtomobildə olan gizir Vüsal Kərimov isə xəstəxanaya yerləşdirilib.
Faktla bağlı cinayət işi başlanılıb, araşdırma aparılır.