1
Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinə yeni müdir təyin olunub.
Nuhçixan İnformasiya Agentliyinin verdiyi məlumata görə, bu barədə Ali Məclisin Sədri Vasif Talıbov sərəncam imzalayıb.
Sərəncama əsasən, Emin Məmmədəli oğlu Məmmədov Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinin müdiri təyin edilib.
Qeyd edək ki, Emin Məmmədov bundan əvvəl Naxçıvan Dövlət Universitetinin “Ümumi tarix” kafedrasında müəllim işləyib.