0
Çoxseriyalı “Polis Akademiyası” filmində yaratdığı leytenant Erni obrazı ilə tanınan Artur Metrano 84 yaşında vəfat edib.
Aktyor Florida ştatında öz evində dünyasını dəyişib.
1989-cu ildə, yaradıcılığının zirvəsindəykən onurğasından aldığı zədə nəticəsində hərəkət qabiliyyətini itirən aktyor bundan sonra da fəaliyyətinə davam edir. O, “Metranonun təsadüfi komediyası” adlı teatral şou yaradır və 2001-ci ilə qədər filmlərə çəkilir.
Artur Metrano "Ürəkləri sındıran", "Dünya tarixi, birinci hissə" "Son nəfəsdə" və başqa filmlərdə də rol alıb.///Apa