İndiyə qədər dünyada koronavirus epidemiyası ilə ən yaxşı mübarizə aparan Sinqapur (təxminən 6 milyon əhaliyə cəmi 30 ölüm) virusla birlikdə yaşamaq şərtləri daxilində “yeni norma”ya keçid üçün plan hazırlayıb.
Bu barədə “Meduza” xəbər yayır.
Planda geniş miqyaslı peyvəndləmə, əhalinin böyük bir hissəsinin və adaya gələn hər kəsin gündəlik sürətli testlərdən keçirilməsi, həmçinin yoluxanlarla təmasda olanların ümumi izlənməsi nəzərdə tutulur.
COVID-19 heç vaxt yox olmayacaq (endemik hala gələcək). Sinqapur kimi kiçik dövlətlər virusu məğlub edə bilər, ancaq epidemiya digər ölkələrdə davam edəcək. Eyni zamanda, Sinqapur tamamilə beynəlxalq ticarətə bağlıdır və adada təcrid olunması mümkün deyil.
“Yoluxanların, o cümlədən də yeni ştammlarla -sərhədimizdən keçməyi qaçılmazdır. Deməli, virusla elə yaşamaq lazımdır ki, o cəmiyyətə və üzvlərinə maneə yaratmasın”, – deyə ölkə nazirləri bildirirlər.
Endemik xəstəliyə bir nümunə də qripdir. Xəstə olanların böyük əksəriyyəti xəstəxanaya yerləşdirilmədən sağalır. Ancaq onların az hissəsi, xüsusilə yaşlı insanlar və yanaşı xəstəlikləri olan insanlar ağırlaşmalarla qarşılaşa bilərlər; bəziləri də qripdən ölür.
Koronavirusa qarşı vaksinasiya COVID-19-un epidemioloji göstəricilərini mövsümi qrip göstəricilərinə yaxınlaşdırmalıdır.
Əsas məsəsə epidemiyalarla “normallığı” pozmadan mübarizə aparmaq üçün bir yol tapmaqdır. İnsanlar işləməli, həyatdan zövq almalı, tətillərini qeyd etməli, kütləvi və idman tədbirlərinə toplanmalıdır; turistlər, xarici işçilər və iş adamları ölkəyə daxil ola bilməlidirlər.///oxu.az