Çexiyada iki qatar toqquşub – ölən var

Çexiyada iki yük qatarı toqquşub.

APA RİA Novosti-yə istinadən xəbər verir ki, hadisə nəticəsində qatarların sürücülərindən biri yaralanıb, digəri isə yerindəcə ölüb.
Ölən sürücünün qatarına propan-butan qazı yükləndiyindən qəza zamanı zərbənin gücündən alov başlayıb.

Hadisə yerinə dərhal yanğınsöndürənlər cəlb edilib. Yanğın qısa müddətdə söndürülüb.
Yaralı sürücü xəstəxanaya yerləşdirilib.
Hazırda qəzanın başvermə səbəbləri araşdırılır.