Məhkəmə Vilyam Hacıyevin şikayəti ilə bağlı qərar verdi

İmişlinin sabiq başçısı Vilyam Hacıyevin apellyasiya şikayəti üzrə məhkəmə başa çatıb.

APA-nın əldə etdiyi xəbərə görə, Bakı Apellyasiya Məhkəməsində hakim İbrahim İbrahimlinin sədrliyi ilə baxılan iş üzrə qərar elan olunub.

Qərara əsasən, birinci instansiya məhkəməsinin Vilyam Hacıyevlə bağlı çıxardığı hökmün qanuna uyğun qəbul edildiyi əsas gətirilərək şikayət rədd edilib.

Həmçinin Vilyam Hacıyevin həyat yoldaşı Cülyetta İbrahimova və oğlu Məhəmməd Hacıyevin adına rəsmiləşdirilmiş 5 milyonluq əmlaklar üzərinə qoyulmuş həbs qərarının ləğv edilməsi ilə bağlı şikayət də əsassız hesab olunub.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyat zamanı həbs olunub.

Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə təqsirli bilinərək Bakı Ağır Cinayətlər Məhkəməsinin hökmü ilə 12 il azadlıqdan məhrum edilib.

 

Tarix
30 Noyabr 2022 [18:05]
Müəllif
Üç nöqtə
2022-11-30 18:05:41
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin