Bu dövlət rüsumları artırılır – Yeni məbləğlər

Azərbaycan ərazisində müvəqqəti və ya daimi yaşamaq üçün icazə vərəqələrinin verilməsinə və müddətinin uzadılmasına görə dövlət rüsumları dəyişir.

Bu, mayın 21-də Milli Məclisin (MM)  İqtisadi siyasət, sənaye və sahibkarlıq komitəsinin iclasında müzakirəyə çıxarılan “Dövlət rüsumu haqqında” qanuna təklif edilən dəyişikliklərdə əksini tapıb.

Əcnəbilərə və vətəndaşlığı olmayan şəxslərə Azərbaycan ərazisində müvəqqəti yaşamaq üçün icazə vərəqəsinin verilməsi və müddətinin uzadılması ilə əlaqədar mövcud və təklif olunan rüsumları təqdim edirik:

Mövcud rüsumlar (15 iş günü müddətində verildikdə)

Yetkinlik yaşına çatanlar üçün icazə vərəqəsi 20 iş günü müddətində verildikdə və ya müddəti uzadıldıqda:

Üç ayadək müddət üçün 30 manat,

Altı ayadək müddət üçün 60 manat,

Bir ilədək müddət üçün 120 manat,

1 il 6 ayadək müddət üçün 180 manat,

İki ilədək müddət üçün 240 manat,

2 il 6 ayadək müddət üçün 300 manat,

Üç ilədək müddət üçün 360 manat dövlət rüsumu alınacaq.

Təklif olunan rüsumlar (15 iş günü müddətində verildikdə)

Yetkinlik yaşına çatmayanlar üçün icazə vərəqəsi 20 iş günü müddətində verildikdə və ya müddəti uzadıldıqda:

Üç ayadək müddət üçün 15 manat,

Altı ayadək müddət üçün 30 manat,

Bir ilədək müddət üçün 60 manat,

1 il 6 ayadək müddət üçün 90 manat,

İki ilədək müddət üçün 120 manat,

2 il 6 ayadək müddət üçün 150 manat,

Üç ilədək müddət üçün 180 manat dövlət rüsumu alınacaq./oxu.az