0
Bərdə rayonunda doğuş zamanı körpə vəfat edib.
Ucnoqta.az “Qafqazinfo”ya istinadən xəbər verir ki, hadisə fevralın 21-i gecə 2 radələrində baş verib. Tərtər rayon sakini, 1981-ci il təvəllüdlü Gülxarə Əhmədova 29-30 həftəlik hamiləlik, vaxtından əvvəl doğuş diaqnozu ilə Bərdə rayon doğum evinə daxil olub. Doğuşdan bir neçə dəqiqə sonra yeni doğulmuş oğlan uşağı ölüb.
Daxil olmuş məlumat əsasında dərhal məhkəmə-tibb ekspertizası təyin edilərək uşağın meyitinə baxış keçirilib, digər zəruri hərəkətlər yerinə yetirilib.
Bərdə rayon prokurorluğunda araşdırma aparılır.