0
İspaniyanın "Barselona" klubunun ulduz futbolçusu Lionel Messi La Liqanın 2017-2018 mövsümü üçün ən yaxşı oyunçusu mükafatını alıb.
Bu barədə klubun rəsmi "Twitter" səhifəsi məlumat yayıb. 31 yaşlı hücumçu çempionatın hazırkı mövsüm daha rəqabətli olduğunu bildirib: "Heç nə asanlıqla verilmir. Hər kəs qalib gələ bilər. Mən uğuru mümkün qədər davam etdirmək istəyirəm".
Qeyd edək ki, Lionel Messi ötən mövsüm La Liqada 36 oyuna 34 qol vurub. Kataloniya təmsilçisi mövsümü çempion kimi başa vurub. Komanda hazırkı mövsümdə 12 turdan sonra 24 xalla turnir cədvəlinə başçılıq edir.report