0
“Yuventus”un hücumçusu Kriştianu Ronaldu Avropanın 5 nəhəng çempionatında 400 qol vuran ilk futboçu olub.
Ucnoqta.az Oxu.az-a istinadən xəbər verir ki, Avropanın 5 ən güclü liqasına İngiltərə, İspaniya, Almaniya, İtaliya və Fransa çempionatları daxildir.
“Mançester Yunayted”də çıxış etdiyi zaman Ronaldu 196 oyunda 84 qol vurub. Madrid “Real”ında isə portuqaliyalı 292 matçda meydana çıxaraq 311 dəfə fərqlənib.
2018-ci ilin yayında “Yuventus”a keçən forvard şənbə günü turinlilərin heyətində 5-ci qoluna imza atıb.
Ronaldunu sözügedən göstərici üzrə Lionel Messi izləyir. Argentinalı İspaniya çempionatında “Barselona”nın heyətində keçirdiyi 426 oyunda 389 qol vurub.