2017-ci ilin 10 ayı ərzində 30-dan artıq ölkəyə ümumi çəkisi 408186,9 ton olmaqla 375321,6 min dollar dəyərində meyvə – tərəvəz məhsulları ixrac olunub.
Ucnoqta.az Kənd Təsərrüfatı Nazirliyindən Trend-ə verilən məlumata istinadən xəbər verir ki, bu barədə fitosanitariya sahəsində beynəlxalq standartlarin təmin edilməsinə həsr olunmuş tədbirdə Dövlət Fitosanitar Nəzarəti Xidmətinin rəisi Camal Quliyev qeyd edib.
O bildirib ki, bu ötən ilin müvafiq dövrünə nisbətən çəki ifadəsində 44181,2 ton və ya 54,6 %, dəyər ifadəsində isə 104479 min dollar və ya 38,6 % çoxdur. Pomidor və kartof ixracı 50 % dən artıq, soğan və sarımsaq ixracı isə 24,2 dəfə artıb. Eyni zamanda tütün xammalının ixracı 2,1 dəfə , pambıq məhsullarının ixracı isə 6,8 dəfə artıb.