“Baku Bus”-ın sürücüsü cəzalandırıldı- 4 bal, 100 manat

Bakıda yol hərəkəti qaydalarını kobud şəkildə pozan "Baku Bus" MMC-yə məxsus avtobusun sürücüsü cəzalandırılıb. Bakı şəhər Dövlət Yol Polisi İdarəsindən Ucnoqta.az-a verilən məlumata görə, 13 nömrəli xətt üzrə hərəkət edən, 99 JX 266 dövlət nömrə nişanlı avtobusu idarə edən sürücünün Kərimov Kamran Ağakərim oğlu olduğu müəyyən edilib. Onun barəsində İnzibati Xətalar Məcəlləsinin 327.4-cü maddəsinə əsasən protokol tərtib edilib. Beləliklə, sürücü 4 bal, 100 manat cərimə edilib.