“Bədənimə uyğun paltar tapmaqda çətinlik çəkirəm”

Tanınmış milyarder Anri Pinonun həyat yoşdaşı və aktrisa Salma Hayek bədəninə yaraşan geyimi seçməkdə çətinlik çəkdiyini bildirib. 51 yaşlı aktrisa müsahibəsində alış-veriş etməyi xoşlamadığını da söyləyib: “Bədənimə uyğun düzgün geyimləri tapmaqda çox çətinlik çəkirəm. Digər tərəfdən də sadədir, çünki əynimə nə olsa, onu da geyinirəm. Həmçinin alış-veriş etməyi heç sevmirəm. Markalarla münasibətlərim çox yaxşıdır. Sağ olsunlar ki, mənim üçün paltar göndərirlər. Mağazaları gəzmək yerinə aralarından özümə uyğun olan paltarları istifadə edirəm. Xüsusilə “Aleksandr Mcqueen” moda evinin işlərini çox bəyənirən. Onlar dolu bədənli xanımlar üçün gözəl paltarlar tikir. “Gucci”nin dizayneri Alessandronun paltarlarına isə dəli oluram. Məncə, rəngli paltarları dəbə gətirərək inqilab yaratdı. Qaraya qarşı deyiləm. Qaranı kim geyinsə yaraşır, amma mən meksikalıyam. Rəngli paltarlar geymək qanımda var. Hesab edirəm ki, “Balenciaga”nın yeni dizayneri də dahidir. Onsuz da bütün dəb mükafatlarını qazanır. Dostum Stella Mkartni də sevdiyim dizaynerlərdəndir, onun ayaqqabı modellərini lap çox sevirəm”. Aktrisa sonsuz sayda ayaqqabı kolleksiyaları olduğunu bidlirib: “Bir neçə evim var. Hamısnda çox böyük ayaqqabı şkafları olsa da, ayaqqabılarım yenə də sığmır. Ona görə də həmişə bağışlamalı oluram”.(publika.az)