1
Goranboy rayonunda yol-nəqliyyat hadisəsi baş verib. APA-nın qərb bürosunun verdiyi məlumata görə, hadisə Bakı-Qazax magistralının Goranboy rayonunun Dəliməmmədli şəhəri ərazisindən keçən hissəsində qeydə alınıb. “Ford” və “Mercedes” markalı avtomobillərin toqquşması nəticəsində Goranboy rayonunun Ağcakənd kənd sakini, 1962-ci il təvəllüdlü Ağayev Elbəy Ağaxan oğlu müxtəlif bədən xəsarətləri alaraq xəstəxanaya yerləşdirilib.
Faktla bağlı araşdırma aparılır.