Ümumdünya Şəhərsalma Forumunun 13‑cü sessiyasının (WUF13) Azərbaycanda keçirilməsi Azərbaycanın beynəlxalq təskilatçılığa verdiyi töhfənin daha bir nümunəsidir.
APA xəbər verir ki, bunu Bakıda Ümumdünya Şəhərsalma Forumunun 13‑cü sessiyası (WUF13) çərçivəsində “Erkən xəbərdarlıqlar və davamlı şəhərlər” adlı tədbirdə Azərbaycan Prezidentinin iqlim məsələləri üzrə nümayəndəsi Muxtar Babayev deyib.
O qeyd edib ki, bu gün dünya çox geopolitik məsələlərlə üz-üzədir: "İqlim dəyişiklikləri də böyük əhəmiyyət kəsb edir. Ümumdünya Meteorologiya Təşkilatına görə, ən isti günləri yaşayırıq. Şəhərlər bu iqlim dəyişməsinin mərkəzindədir. Dəyişikliklər milyonlarla insana təsir göstərir. Hesab edirik ki, 24 saatlıq ilkin xəbərdarlıq sistemi təsirin 30 faizinin qarşısını alır. Quraqlıq və kəskin isti günlərin sayı altı dəfə artıb. Ona görə şəhərsalmada iqlim dəyişmələrinin nəzərə alınması vacibdir”.