Finlandiya Quru Qoşunları noyabrın sonlarında başlayacaq təlimlərdə iştirak etmək üçün təxminən 15.000 əsgər yerləşdirəcək.
Ucnoqta.az xəbər verir ki, Finlandiya Müdafiə Qüvvələrinin mətbuat xidmətinin məlumatına görə, manevrlərin bəzi mərhələləri Rusiya sərhədi yaxınlığında keçiriləcək.
Qeyd olunur ki, təlimlər bütün Finlandiya ərazisində keçiriləcək.
Ölkənin cənubunda keçiriləcək hərbi təlimlərdə 6500-dən çox əsgər iştirak edəcək.
Xüsusilə, hərbi fəaliyyətlər paytaxt bölgəsində və Rusiya sərhədi yaxınlığında yerləşən Kymenlaakso bölgəsində keçiriləcək. Təlimlər zamanı təxminən 900 texnikanın istifadəsi planlaşdırılır. Finlandiya qoşunlarından əlavə, manevrlərdə İsveç və Britaniya Silahlı Qüvvələrinin nümayəndələri də iştirak edəcək.
Təlimlər 29 noyabr – 5 dekabr 2025-ci il tarixlərində keçiriləcək.