Müğənni Təranə Qumral “Tarixin bir günü” verilişində sözləri ilə gündəmə gəlib.
Yenisabah.az xəbər verir ki, ifaçı canlı yayıma zəng edərək qızı haqda qalmaqallı açıqlamalar edən xanəndə Kəmalə Nəsibovaya sözün əsl mənasında od püskürüb:
“Deyir ki, 30 ildir oxuyuram. İnanın mənə 30 ildə onu bu qədər tanıyan olmamışdı. Hər gün, hər dəqiqə şəkil atırlar ki, bu kimdir? Yeni müğənnidir? Ola bilər ki, öz sənət yoldaşları onu tanıyırdı. Ancaq sizin verilişdən sonra çox böyük qalmaqalla gündəmə gəldi.
Mən özümə hörmət edən bir insanam. Ona yaraşdırmadım ki, uşağı boyda Qumralla gündəmə gəlsin. Sən get akulanı çağır, Nigar Şabanovanı dəvət et. Onunla yarış, oxu. Uşağınla yaşıd olan insanı niyə duelə çağırırsan? İnanmazdım ki, o belə sözlər danışsın. Özü də mənim qızım haqqında desin. O qədər müğənnilər var ki, fonoqrama oxuyur. Zaman-zaman hər şey yerin tapacaq. O da gedir məşq edir. Hazır olmadığı üçün efirdə canlı oxumur. Söhbət bundan getmir. Deyir ki, əlini pərdənin arxasına qoyub. Bilmirəm ki, kimdən danışır. Mən istəsəm onu məhkəməyə də verərəm. Deyir anasına hörmətim var, sonra qızımdan danışır. Sübut göstər ki, Qumral sənin adını çəkib mən onun dilini qopararam. Efirə gedəndə də deyirəm ki, qızım get qalmaqalsız mahnını oxu, gəl”.