Avropa Komissiyasının sədri Ursula Fon der Lyayen ABŞ-ın rüsumlarına qarşı hər hansı konkret cavab tədbiri elan etməyib və ABŞ prezidenti Donald Trampla rüsumların qaldırılması üçün danışıqlara çağırıb.
Ucnoqta.az xarici mətbuata istinadən xəbər verir ki, eyni zamanda, xüsusi videomüraciətdə o, belə məsləhətləşmələr uğursuz olarsa, Aİ-nin əks tədbirlərinin görüləcəyini vəd edib.
"Biz ABŞ-la ticarət maneələrinin aradan qaldırılması üzrə danışıqlara çağırırıq. Lakin biz hərəkətə keçməyə hazırıq. İlk cavab tədbirləri paketini tamamlamağa yaxınıq və danışıqlar uğursuz olarsa, onları tətbiq etməyə hazırıq", – deyə fon der Lyayen bildirib.
"Prezident Trampın qərarından dərin təəssüflənirəm. Qlobal iqtisadiyyat böyük zərər görəcək, nəticələr bütün dünya ölkələri üçün fəlakətli olacaq və ən həssas insanlara ağır zərbə vuracaq", – o deyib.
Avropa Komissiyasının rəhbəri cəmiyyətdə birliyə və avropalı istehsalçıların müdafiəsinə çağırıb.