3
Filippinin cənubunda təyyarə qəzası nəticəsində bir ABŞ hərbçisi və üç Pentaqonun podratçısı həlak olub.
Ucnoqta.az xəbər verir ki, bu barədə ABŞ-ın Hind-Sakit Okean Komandanlığı məlumat yayıb.
Məlumata görə, ABŞ hərbçiləri tərəfindən icarəyə götürülən təyyarə “Filippin müttəfiqlərinin tələbi ilə” kəşfiyyat dəstəyi vermək üçün adi bir missiyada idi.
Komandanlığın dəqiqləşdirdiyi kimi hadisənin baş vermə səbəbləri müəyyənləşdirilir.
Filippin Xəbər Agentliyinin daha əvvəl bildirdiyi kimi, kiçik özəl Beechcraft King Air 350 təyyarəsi qəzaya uğrayıb.
Təyyarə qəzası yerli vaxtla saat 14:30-da böyük məskunlaşan ərazilərdən uzaqda baş verib.
Filippin aviasiya rəsmiləri hadisə ilə bağlı araşdırmalara başlayıb.