1
Türkiyənin xarici işlər naziri Hakan Fidan Rusiya xarici işlər naziri Sergey Lavrov ilə Ukrayna, Suriya və enerji təhlükəsizliyini müzakirə edib.
Ucnoqta.az xəbər verir ki, bu barədə TASS-a Türkiyə Xarici İşlər Nazirliyindəki mənbə bildirib.
“Xarici işlər naziri Hakan Fidan yanvarın 12-də Rusiya xarici işlər naziri Sergey Lavrovla telefon danışığı aparıb. Söhbət zamanı Suriya və Ukraynada baş verən hadisələrlə yanaşı, enerji təhlükəsizliyi mövzusu da müzakirə olunub”, – mənbə bildirib.
O, nazirlərin söhbətinin məzmunu ilə bağlı başqa təfərrüat verməyib.