“Hizbullah” İsrailin hava qüvvələri bazasına zərbə endirib

“Hizbullah” döyüşçüləri Livanla sərhəddən 40 km aralıda yerləşən İsrail Hərbi Hava Qüvvələrinin Ha-Hotrim bazasına raket zərbələri endirib.

Ucnoqta.az xəbər verir ki, bu barədə qurumun Telegram-kanalında məlumat paylaşılıb.

Bildirilir ki, müqavimət qüvvələri Hayfanın cənubundakı HaHotrim aviabazasına hücum zamanı dəqiq idarə olunan raketlərdən istifadə edib. Həmçinin, ilk dəfə bu hərbi obyektə, eləcə də yaxınlıqdakı texniki avadanlıq mərkəzinə və təyyarə mühərrikləri zavoduna zərbələr endiriblər.