3
Pakistanın Hayber Paxtunxva əyalətində kamikadze hücumu nəticəsində azı 4 nəfər ölüb, 15 nəfər yaralanıb.
Ucnoqta.az xəbər verir ki, bu barədə Dawn qəzeti məlumat yayıb.
Məlumata görə, hadisə avqustun 26-da səhər saatlarında Şimali Vəziristan rayonunda yerləşən Razmak qəsəbəsində baş verib.
Hücum edənin hədəfi bölgədə fəaliyyət göstərən terrorçu qruplaşmalardan birinin əvvəllər Pakistan hakimiyyətinə təslim olmuş keçmiş səhra komandiri olub.
Kamikadze içərisində keçmiş yaraqlının olduğu avtomobilə hücum edib. Partlayış nəticəsində 4 nəfər ölüb, 15 nəfər yaralanıb.
Zərərçəkənlər yaxınlıqdakı tibb müəssisələrinə aparılıb.