Qırğızıstan aşağı gəlirli ölkələr kateqoriyasından çıxdı

Qırğızıstan əhalinin həyat səviyyəsini əhəmiyyətli dərəcədə yaxşılaşdırmağa və aşağı gəlirli ölkələr siyahısından çıxmağa nail olub.

Ucnoqta.az xəbər verir ki, bunu Bişkekdə keçirilən “Fintech və Dayanıqlı İnkişaf: Maliyyənin Gələcəyi” beynəlxalq maliyyə forumunda respublikanın Nazirlər Kabinetinin rəhbəri Akılbek Japarov deyib.

“Dünya Bankının məlumatına görə, biz aşağı gəlirli ölkələr kateqoriyasından çıxmışıq ki, bu gün adambaşına düşən nominal ÜDM 2 min dollardan çoxdur, paritetlə isə 6,5 min dollara yaxındır”.

Nazirlər Kabinetinin rəhbərinin sözlərinə görə, Qırğızıstanda dövlət artıq iqtisadiyyatda aparıcı qüvvə rolunu öz üzərinə götürüb.