1
ABŞ Müdafiə Nazirliyi bazar ertəsi Yəmən sahillərində ABŞ-ın MQ-9 müşahidə və hücum pilotsuz təyyarəsinin Ənsar Allah üsyançıları tərəfindən vurulduğunu təsdiqləyib.
Ucnoqta.az xəbər verir ki, bu barədə Pentaqonun mətbuat katibinin müavini Sabrina Sinq deyib.
"Təsdiq edə bilərəm ki, fevralın 19-da Qırmızı dənizdə, Yəmənin husilərin nəzarətində olan ərazilərin sahillərində bir MQ-9 vurulub. İlkin məlumatlara görə, o, husilər tərəfindən "yer-hava" raketi vasitəsi ilə vurulub" – o, jurnalistlər üçün keçirdiyi brifinqdə bildirib.
Pentaqonun sözçüsü əlavə edib ki, Mərkəzi Komandanlıq vurulmuş pilotsuz təyyarənin bərpası variantlarını araşdırır.
Forbes jurnalına görə, belə bir PUA-nın qiyməti təxminən 32 milyon dollardır.